Gai nagusiak
Netflixen iraultza eta Zirku Italiarra, ostegunean, 'Faktoria'n
Ikus-entzunezkoak kontsumitzeko modu zaharra eta berriaren arteko eztabaidaz ariko gara, eta Zirku Italiarrean lan egiten duen Olatz Armaolea gernikarrak bere lantokia eraktsiko digu barrutik.
Bi urte badira, Netflix zinemaren merkatuan hasi zela, eta sektorean oraintxe ari da aurrea hartu nahian. Cannes izan da horren erakusgarri. Bertan zabaldu izan den polemikak eztabaida sortu du: ikus-entzunezkoak kontsumitzeko modu zaharra eta berriaren arteko eztabaida, lege protekzionista eta ekoizpen kontsumo askearen artekoa. Eta jakina, nahastu dira eztabaida horretan, atzean dauden interesak, mehatxuak eta aukerak. Horiei buruz arituko gara ostegunean, 'Faktoria'n, Iñaki Gomez Irusoin ekoiztetxeko arduradunarekin eta Aritz Galarza ETBko programetako zuzendaritzako kidearekin. Gainera, Olatz Armaolea gernikarrak bere lantokia, Zirku Italiarra, erakutsiko digu barrutik.
07:00etan hasiko da saioa, eguneko albiste nagusien errepasoa eginez. 08:00etan, Iñigo Alustizak hartuko du albistegiaren gidaritza, eta Unai Gangoiti Bizkaiko Fori Aldundiko Ingurumen zuzendariarekin hitz egingo dugu ostegunean Bizkaian zabalduko den hondartza denboraldiaz. 08:30ean, Joseba Arruti, Nerea Azurmendi eta Martxelo Otamendi solaskideek egingo dute aktualitatearen analisia. 09:30 aldera, Ibon Sarasolaren gomendioak entzungo ditugu. Jarraian, netflix iraultza izango dugu hizpide Iñaki Gomez Irusoin ekoiztetxeko arduradunarekin eta Aritz Galarza ETBko programetako zuzendaritzako kidearekin.
10:00etatik 13:00etara, berriz, Ainhara Zuazabeitiak hartuko du lekukoa, eta magazinak egingo du bidea. Lehen-lehenik,Pasaia-bretainia iitsasontziz egin duten Mikel Leozekin eta Gema Sistiagarekin hitz egingo dugu. Ondoren, Idoia Torregaraik umore printza ekarriko digu. Kirol aurrerapenaren ostean, Markos Zapiainen filosofia eskola jasoko dugu.
11:00etan, Mikel Chamizoren musika konpositoreen biografien tartea izango dugu, Prokofievez hitz egiteko. 11:30ean, Esther Moyuaren liburu gomendioa jasoko dugu.
12:00etan, Olatz Armaolea gernikarrarekin, Zirku Italiarra ezagutuko dugu. 12:30ean, hainbat pertsona ospetsuren ezkutuko zaletasunak ezagutuko ditugu. Lander Garro, Zuriñe Hidalgo, Aitor Gorosabel, Maddalen Arzalluz eta Joseba Usabiagari galdetuko diegu zein beste zaletasun dituzten.
07:00etatik 13:00etara izango dugu martxan 'Faktoria'.
oria'.