Gai nagusiak
Taxilarien aldarrikapenak, ostegunean, 'Faktoria'n
Mikel Otermin eta Eneko Petrina Bilbo eta Iruñeko taxi gidariekin, eta Janire Bijueska Eusko Jaurlaritzako Garraio Azpiegitura zuzendariarekin hitz egingo dugu.
Uber eta Cabify enpresak gure hirietan ere sartu dira. Estatuko eta Europako beste herrialde batzuetakoak bezala, Euskal Herriko taxi gidariak borrokan ari dira, euren sektorea arriskuan ikusten dutelako. Egunerokoa nola aldatu zaien kontatuko digute, ostegunean, 'Faktoria'n, Mikel Otermin eta Eneko Petrina Bilbo eta Iruñeko taxi gidariek. Janire Bijueska Eusko Jaurlaritzako Garraio Azpiegiturako zuzendariak, berriz, sektorea erregulatzeko Espainiako Sustapen ministerioan izandako bileraren xehetasunak emango dizkigu. Gainera, Gure Esku Dago dinamikaren laugarren urteurrena dela gogoratuko dugu.
07:00etan hasiko da saioa, eguneko albiste nagusien errepasoa eginez. 08:00etan, Maite Artolak hartuko du albistegiaren gidaritza, eta Itxaro Bordaren %100 Basque liburuaren irakurtaldi jarraituaren hasierari egingo diogu tartea. Gainera, Sea-cloud II luxuzko belaontzia Pasaiako portura iritsiko da, eta hantxe izango da Oihane Yustos lankidea. 08:30ean, Joseba Arruti, Nerea Azurmendi eta Martxelo Otamendi solaskideek egingo dute aktualitatearen analisia. Bestak beste, Gure Esku dago dinamikaren 4. urteurrenaz ariko gara, eta Angel Oiarbide arduradunarekin hitz egingo dugu. 09:30 aldera, Ibon Sarasolaren gomendioak entzungo ditugu. Nola esan behar da euskaraz egoki 'Zutaz gustatu'? Jarraian, Euskal herriko taxi gidarien egoeraz ariko gara.
10:00etatik 13:00etara, berriz, Manu Etxezortuk hartuko du lekukoa, eta magazinak egingo du bidea. Lehen-lehenik, Bilbora joko dugu, Arriaga antzokiko irakurtaldi jarraitua nola doan jakitera. Ondoren, Idoia Torregaraik umore printza ekarriko digu. Kirol aurrerapenaren ostean, Markos Zapiainen filosofia eskola jasoko dugu.
11:00etan, Mikel Chamizoren musika konpositoreen biografien tartea izango dugu. 11:30ean, Esther Moyuaren liburu gomendioa jasoko dugu.
12:00etan, eskola alternatiboen Haziz Hezi sarea ezagutuko dugu. 12:30ean, berriz, Bostongo bizimodu berriaz galdetuko diogu Maitane Iruretagoiena atletari.
07:00etatik 13:00etara izango dugu martxan 'Faktoria'.
oria'.