Asteazkenean
Arnaldo Otegi, 'Faktoria'n
ERREDAKZIOA | G.U.
EH Bilduko koordinatzaile nagusiarekin hitz egiteaz gain, ekonomia zirkularraz ariko gara albistegian. Magazinean, bizikidetza, Trumpen agintaldiaren errepasoa eta Josu Okiñena pianista izango ditugu.
Arnaldo Otegi
Arnaldo Otegi, EH Bilduko koordinatzailea nagusia, izango da asteazkenean 'Faktoria'n, Maite Artolaren galderei erantzunez. 09:00etan hasiko da elkarrizketa. Ondoren, ekonomia zirkularraz arituko gara Mari Jose Aranguren Orkestrako zuzendari nagusi eta Deustuko Unibertsitateko katedradunarekin batera. Asteazkeneko albistegia, bestalde, Koldo Almandoz zinemagileak itxiko du.
10:00etan, Manu Etxezortuk hartuko du lekukoa, magazina abiatzeko. Hasteko, Bake, Bizikidetza eta Giza Eskubideen udal politikak sustatzeko Gipuzkoako Foru Aldundiaren programa ezagutzen jarraituko dugu. Maribel Bakero Gipuzkoako Bizikidetza zuzendaria etorriko da gurera. 10:30ean, AEBetara joko dugu. Donald Trumpek duela urtebete irabazi zituen hauteskundeak. Urtea betetakoan, horren agintaldiaren errepasoa egingo dugu eta horren aldeko eta kontrakoekin dugu hitzordua. 11:00etako kirol aurrerapenaren ondoren, Idoia Torregarairen umore printza izango dugu. 11:30ean, Josu Okiñena pianista etorriko da, Xuxurlariak disko berria hartuta. Diskoko piezak nazioartean eskaintzen ari da.
12:00etan, telebistako saioetan agertzen diren altzariak nola egiten dituzten kontatuko digute, Euskal Telebistako eszenografia arduradunak eta LUFE altzari enpresako kideak. 12:30ean, Imanol Ituiñoren magia izango dugu, astero legez.
07:00etatik 13:00etara izango da martxan 'Faktoria'.
oria'.