Asteazkenean
Arantxa Tapia, 'Faktoria'n
ERREDAKZIOA | G.U.
Ekonomiaren garapena eta azpiegituren sailburuak 09:15ean erantzungo die Iñigo Alustizaren galderei. Bestalde, haurrak eta Internet gaia landuko dugu Estefania Jimenez EHUko irakaslearekin.
Arantxa Tapia
Arantxa Tapia Eusko Jaurlaritzako Ekonomiaren Garapen eta Azpiegitura sailburua izango da asteazken honetan 'Faktoria'ko gonbidatu nagusia. 09:15etik aurrera erantzungo die Iñigo Alustizak egingo dizkion galderei. Bestalde, "haurrak eta Internet" gaia landuko dugu Estefania Jimenez EHUko irakaslearekin.
07:00etan hasiko da albistegia, Igotz Alkorta gidari duela. 07:50 aldera, Iñigo Alustizak hartuko du lekukoa, eta Eli Larrinagaren iritzi tartea entzungo dugu. 08:30ean, Mikel Aramendi, Javier Diaz Noci eta Amaia Espinosa arituko dira aktualitatearen analisia egiten. 09:00etako albiste errepasoaren ondoren, Arantxa Tapiarekin hitz egingo dugu. 09:45ean, ekonomia tartea zabalduko dugu, Lander Beloki eta Adrian Zelaia adituekin, eta, ordua amaitzeko, Koldo Almandoz zinemagilearen errematea entzungo dugu.
10:00etan, Manu Etxezortuk hartuko du lekukoa, magazina abiatzeko. Hasteko, Idoia Torregaraik sexualki zerk kitzikatzen gaituen aztertuko du. 10:30ean, Estefania Jimenezekin hitz egingo dugu haurrei eta Interneti buruz, eta, segidan, Juanjo San Miguel lankidearekin aztertuko dugu Vietnamgo gerraren trauma oraindik ez dutela gainditu estatubatuarrek.
11:00etako kirol aurrerapenaren ostean, 'Artantxuriketa' ikuskizunaz hitz egingo digute Maider Ansak eta Ainhoa Ansak, eta 11:30 aldera, Esther Moyuaren liburu gomendioa entzungo dugu.
12:00etan, bakalao musikaren ibilbidea ekarriko dugu gogora, Iker Rodriguezekin, road trip-a egin baitu bakalaoaren tenpluetan barrena. 12:30ean, Imanol Ituiñoren magia izango dugu, astero legez.
07:00etatik 13:00etara izango da martxan 'Faktoria'.