Asteazkenean
Joseba Egibar, 'Faktoria'n
ERREDAKZIOA | G.U.
Bestalde, alergiagatik gaztak egiteari utzi behar izan dion Joseba Baez, Idiazabalgo Arimasagasti gaztandegiko jabea, izango dugu bisitan, eta zuritoaren asmatzaileari buruz ere hitz egingo dugu.
Joseba Egibar EAJko Legebiltzarreko bozeramailea izango da asteazkenean 'Faktoria'ko gonbidatu nagusia. Goizeko 09:00etatik aurrera erantzungo ditu Maite Artolak egingo dizkion galderak. Asteazkenero bezala, Koldo Almandoz zinemagilearekin egingo dugu goizeko 10:00ak arteko bidean. Oraingo honetan, Kurdistani buruz arituko da zinemagile donostiarra. Bestalde, alergiagatik gaztak egiteari utzi behar izan dion Joseba Baez, Idiazabalgo Arimasagasti gaztandegiko jabea, izango dugu bisitan, eta zuritoaren asmatzaileari buruz ere hitz egingo dugu magazinean.
07:00etan hasiko da albistegia Iñigo Alustizak gidatuta. 07:50 aldera, Maite Artolak hartuko du lekukoa, eta Eli Larrinagaren iritzi zutabea entzungo dugu. 08:30ean, solasaldirako tartean, Mikel Aramendi, Javier Diaz Noci eta Amaia Espinosa arituko dira aktualitatearen analisia egiten. 09:00etako albiste errepasoaren ondoren elkarrizketatuko dugu Joseba Egibar. 09:30 aldera, ekonomia tartea zabalduko dugu Joseba Barandiaranekin, CEOEk bekadunei buruz egin duen proposamenaz hitz egiteko. Ordua amaitzeko, Koldo Almandoz zinemagilearen errematea entzungo dugu.
10:00etan, Manu Etxezortuk hartuko du lekukoa, magazina abiatzeko. Hasteko, Idoia Torregarai eta Mirari Martiarena etorriko zaizkigu 'Bakean dagoenari bakean utzi' umore bakarrizketa saioari buruz hitz egiteko. 10:30ean, egun hotz hauetan inbiria pixka bat emango digute Kanbodiatik. 28 gradutan oporretan bertan topatu dugu Miren Urretabizkaia, eta Asiako herrialde hori ezagutzen lagunduko digu. Jarraian, Italiaz ariko gara Juanjo Sanmiguel lankidearekin. 11:00etako kirol aurrerapenaren ondoren, alergiagatik gaztak egiteari utzi behar izan dion Joseba Baez Idiazabalgo Arimasagasti gaztandegiko jabearekin hitz egingo dugu. 11:30ean, Hezkuntza LEPz ariko gara, eta Esther Moyuaren liburu gomendioak entzungo ditugu.a, segidan, ETB1n estreinatuko duten 'Artefaktua' literatura saio berriaz hitz egingo dugu Yolanda Mendiola aurkezle eta zuzendariarekin.
12:00etan, Yoseikan Budo borroka artea ezagutuko dugu, horretan maisu handia den Joxe Perezekin, eta zuritoaren asmatzailea (Karlos Perez Garrido) hil berria den honetan, bere biloba ezagutuko dugu, Amaia Perez. Aitonaren istorioak kontatuko dizkigu. 12:30ean, Imanol Ituiñoren magia izango dugu, astero legez.
07:00etatik 13:00etara izango da martxan 'Faktoria'.