Eneko Andueza, Aitzinak talde feminista eta Loraldia, 'Faktoria'n

Asteazken honetan, Isaias Carrasco Arrasateko zinegotzi sozialistaren hilketaren 10. urteurrenean, Eneko Andueza PSEren lgebiltzarkidea elkarrizketatuko dugu 'Faktoria'n. Bestalde, Aitzinak talde feministaren 'Udaberri Feminista' kanpaina ezagutuko dugu, Shangain zertan ari den kontatuko digu Erlantz Yeregi ekintzaileak, Berri Txarrak taldearen 'Beude' kantuan agertzen diren lekuetan muralak marraztu ditu Balu kale artistak, eta ekimen horren nondik norakoak ezagutuko ditugu, eta Loraldia festibalean aurkeztuko duten 'Imanol Jazz' ekitaldiaz hiltz egingo digu Ainhara Ortega jazz abeslariak.

07:00etan hasiko da albistegia, Iñigo Alustizak gidatuta. 07:50 aldera, Maite Artolak hartuko du lekukoa, eta Rosa María Martin-Sabarisen iritzi-tartea entzungo dugu. 08:30ean, solasaldirako tartean, Mikel Aramendi, Javier Diaz Noci eta Amaia Espinosa arituko dira aktualitatearen analisia egiten. 09:00ak aldera, Eneko Andueza PSEren legebiltzarkidea eelkarrizketatuko dugu. 09:30ean, ekonomia-tartea zabalduko dugu, Helena Franco eta Beatriz Plazarekin. Ordua amaitzeko, berriz, Koldo Almandoz zinemagilearen errematea entzungo dugu.

10:00etan, Manu Etxezortuk hartuko du lekukoa, magazina abiatzeko. Hasteko, Idoia Torregaraik M8az hitz egingo digu. 10:30ean, Aitzinak talde feministaren 'Udaberri Feminista' kanpainaren berri emango digute, eta, segidan, sufragistez hitz egingo digu Juanjo Sanmiguel lankideak.

11:00etako kirol aurrerapenaren ostean, Shangain zertan ari den kontatuko digu Erlantz Yeregi ekintzaileak, eta Esther Moyuaren liburu gomendioak entzungo ditugu 11:30ean.

12:00etan, gaur egun botiletan bidaltzen diren mezuez ariko gara, eta Loraldia jaialdiko 'Imanol Jazz' ekimenaz hitz egingo dugu Ainhara Ortega jazz kantariarekin. Amaitzeko, 12:30ean, Imanol Ituiñoren magia izango dugu, astero legez.

07:00etatik 13:00etara izango da martxan 'Faktoria'.