''Espainiako erakunde nagusietan euskarak ofiziala izan beharko luke''

Patxi Baztarrika, Jaurlaritzako Hizkuntza Politikarako sailburuordeak Faktorian esan du, besteak beste, Espainiako Kongresuak eta Senatuak ofizialtasuna aitortu beharko lioketela euskarari. Hildo beretik, Europako erakundeek ere hizkuntza gutxituak sustatzeko lana bere egin beharko lukete. Euskaraz idatzitako akten kontrako epaibideen atzean, Espainiako administrazioaren gabezia dagoela uste du. "Estatuko gobernu ordezkaritza oraindik ez dago prestatua, euskarazko agiriei erantzuteko".