'Borondate politikoa badago, ekainean egin liteke herri galdeketa'

Donostia Antitaurina Orain! mugimenduak zezenketen aurkako neurriak eskatzeko jaso dituen 10.000 sinadura udaletxera eraman dituzte. Zezenketen kontrako plataformako kide batek, Aitor Marinek, esan digunez, horien aurrean, Eneko Goia Donostiako alkateak zezenketen inguruko herri galdeketa antolatu beharko luke. Ekainerako egin nahiko luke plataformak galdeketa hori.