Erremundeguy: ''Kezkagarria da Le Penek aurrera egin duela gurean ere, bai boz, bai portzentajetan''

Joseba Erremundeguy Baionako hautetsi eta Euskal Elkargoaren Kanpo Harremanetarako kontseilaria pozik agertu da hauteskundeen emaitzekin, "nahiz eta Macronen sustengua ez izan", eskuin muturra ez delako gailendu. Alabaina, kezkatuta azaldu da duela bost urte baino boz gehiago eskuratu dituelako. Ipar Euskal Herrian izan den abstentzio kopuru handiak ez du harritu, "argiki, jendea ez delako Macronekin identifikatua sentitzen".