Maiatzak 23
Emakume diakonoen inguruko eztabaida, ‘Faktoria’n
Euskadi Irratia
EiTB
Gainera, haurrak eta adinekoak batera zaintzeko Andoainen ireki berri duten txokoaz arituko gara, 11:30etik gora.
Apaiza elizan
7:00etan abiatuko da asteleheneko ‘Faktoria’, albistegiarekin. 8.00etatik aurrera, aktualitateari lotutako elkarrizketak eta eguneko lerro-buruen analisia izango dugu entzungai.
9:00etatik aurrera, Venezuelan gertatzen ari denari eskainiko diogu tarte berezia. Horretarako, bertan bizi diren euskaldunekin hitz egin eta Mursegorekin bertako egoerarekin lotura duten abestiak entzungo ditugu.
9:30ean, Frantzisko Aita Santuak emakumeak ere Diakono izateko aukerari ateak ireki dionez, mahai-ingurua egingo dugu gaia eztabaidatzeko. Eliza barruko bi emakume eta Aita Santuak eman duen urratsa modu eszeptikoan ikusten duen apaiza izango ditugu gonbidatu.
Magazinean, Katsikas uharteko errefuxiatu gunean bizi izandakoa kontatuko digute Hondarribiko boluntario taldeko kideek. 11:30ean, Izebaren Etxea egitasmoa ezagutuko dugu. Proiektua praktikan jartzeko, haurrak eta adinekoak denak batera zaintzeko txokoa ireki baitute Andoainen.