THE NEPHEWS musika taldea
The Nephews olatu gainean
Talde gaztea da "The Nephews", baina oso erantzun ona izaten ari da zuzenekoetan. Espainia mailako MUSIC-AULA irabazi dute, baita Irungo maketa lehiaketa ere.
Your browser doesn’t support HTML5 audio
Taldeko Jaime Peinado gitarra eta Iñigo Samaniego bateria izan ditugu Faktorian. Zarauztarrak dira biak eta txikitatik ezagutzen dute elkar. Musikan ere elkarrekin hasi ziren, osabarekin. Hortik taldearen izena,"The Nephews" edo ilobak.
Funk Rock estiloa da haiena eta "Red Hot Chilli Peppers" edota "Rage agaist the machine" taldeen bertsioak jotzen dituzte, baina badituzte kantu propioak ere eta gehiago sortzeko asmoa daukate uda honetan. Ingelesez kantatzen dute, abeslaria argentinarra baita, dena den, ez dute guztiz baztertzen etorkizunean letrak euskaraz ere egiteko aukera.
Gaur gaurkoz, bi lehiaketetan eman dute izena eta biak irabazi dituzte. Music Aula eta Irungo maketa lehiaketa. Horrek taldea ezagutarazteko aukera emateaz gain, LP txiki bat eta bideoklip bat egingo dituzte.
Aurreikusita duten hurrengo kontzertua abuztuaren 15ean izango da Debako Festetan.