GUINESS ERREKORRAK
Bizikletaz gurpil bakarrean 29,94 kilometro egin ditu Markel Uriartek
Markel Uriartek munduko errekorra hautsi du. Bizikletaz gurpil baten gainean, ordu batean 29,94 kilometro egin zituen atzo Anoetako Belodromoan. Gutxi gorabehera, 115 itzuli eman zituen.
Your browser doesn’t support HTML5 audio
Austriar batek zuen marka jarrita, ordu batean bizikletan gurpil baten gainean 24,2 kilometro eginda. Orain, Markel Uriarteren izena agertuko da Guiness errekorren liburuan, 29,94 kilometrorekin hautsi baitu austriarraren marka.
Markel Uriarte aretxabaletarra da eta 25 urte ditu. Gaur, 'Faktoria' saioan, atzoko errekorrean zailena kontzentrazioa mantentzea izan zela esan digu, baina lortu zuela. Orain, Belodromoan eginaren froga eta ebidentzia denak Guiness errekorretara bidali, eta behin hauek onartu ostean, han agertuko da bere izena.
Uriartek Tourmaleta ere igo zuen gurpil baten gainean, eta orain Santio bidea egiteko asmoa du, hau ere bizikletaren aurreko gurpilak lurrik ukitu gabe.