Jon Lopez: "Fernando Larruquerten lana ez da behar bezala aitortu"

Fernando Larruquert Amalur filmaren egile gisa gogoratuko du askok, Nestor Basterretxearekin batera. Baina bere obra hori baino zabalagoa da eta argazkigintzan ere lan handia utzi du. "Behar bezala omendu ez den" artista izan dela uste du Euskadiko Filmategiko Jon Lopezek eta pena ere azaldu digu 'Faktoria'n, berari buruz amaitzen ari diren liburua ez duelako argitaratua ikusi. Euskal zinemagintzan "giltzarriak" diren lanak egin izan dituela nabarmendu du Lopezek, heriotzaren berria jakin bezain pronto eskaini digun elkarrizketan.