'Tarota ondo eginez gero, egia azaleratzen da'

Asmo berriak martxan jartzeko unea da urte hasiera. 'Faktoria'n izan ditugu gonbidatuek, ordea, hilabeteak daramatzate tarota ikasteko ikastaroan. Mikel Lizarralderen eskutik ikasten dute.

'Aspalditik gustatu izan zait eta orain zela momentua pentsatu nuen', esan digu Lurdes Olaldek. Alaitz Zabaletak egiten ari den lanketari jarraipena egiteko modu gisa ikusten du, 'nire burua barnetik lantzeko bide bat da, intuizioa lantzen aritu izan naiz eta ikusi nuen jarraipen egokia izan zitekeela tarota'. Hori bai, Zabaletak zehaztu digunez, 'ongi-ongi jakiteko urteak behar dira, ikastaroa bera urtebetekoa da, astero'.

Tarotean profesional onak eta txarrak daudela uste dute, 'arlo guztietan moduan'. Hori bai, tarotak bere denbora behar duela azpimarratu digute biek. 'Telebistan minutu gutxitan egiten den hori ez da tarot ona, ez dira modu egokiak eta lan hau desprestigiatzen dute'.

Karta bakoitzaren esanahiaz, euren esperientzia pertsonalaz... tarot ikasleekin gai ugari jorratu ditugu 'Faktoria'n.