Luxia Imaz, 104 urte, eta kantari!

104 urte betetzea bada nahikoa marka. Adin horrekin Luxia Imazen umorea edukitzea berriz sinestezina da. 'Faktoria'n hitz egin dugu berarekin.

Segurako adinekoen egoitzan bizi da Luxia. Segura irratiko esatari izandakoa, Donostian urte askoan bizi ostean sorterrira itzuli da azken urteetan. Galdu ez duena umorea da, pozik erantzun ditu Ane Albisu lankidearen galderak eta bere kantu kuttuna, "Txantxibiri" ere abestu digu!. "Hurrengo urtera arte" esanez agurtu gaitu, gainera. Hala izan dadila, urte askotarako, Luxia!