Euskal gizartearen erroetara bidaia 'Sustraiak Bizirik' elkartekoekin

Pazko astelehena aprobetxatu dugu erlijioz besteko ohiturei erreparatzeko. Sustraiak Bizirik elkartekoek euskal mitologiaren ingurukoak ekarri dizkigute 'Faktoria' magazinera. Aitor Puyk antzinako indigenen jatorriaren eta izanaren ingurukoak azaldu ditu, hauek naturarekiko izandako lotura eta ohituren berri ere eman digu. Gurutz Garmendiak Mariren inguruko usteak kontatu dizkigu, eta haren filosofiak euskal gizartean izandako eragina nabarmena dela aipatu du.