Iholdi Beristain: ‘Bago!az irabaztea zen nire ametsetako bat’

'Bago!az' saioko irabazlea izan dugu 'Faktorian', Iholdi Beristain. Atzo gaueko finalaren ajearen ostean programan bizi izandako pasarteak kontatu dizkigu gaur goizean. Atzoko saioan Adelen 'Someone like you' abestia interpretatu zuen. 'Bago!az' irabazita, 'Go!azen' telesail arrakastatsuaren hurrengo denboraldian ikusiko dugu, hori baitzen sari nagusia.

Kontatu digu musikarekin zerikusia duen zerbaitetan lan egin nahiko lukeela, eta 'Bago!az' irabazita, amets hori betetzeko lehen pausua eman duela.