Arte Dramatikoa eta Dantza
Abian dira Dantzertin sartzeko probak
Euskadiko Arte Dramatiko eta Dantza Goi Mailako Eskolak abian jarri ditu bertara sartu ahal izateko probak. Goizean, 'Faktoria'n, gertutik ezagutu nahi izan dugu Dantzerti.
Your browser doesn’t support HTML5 audio
'Faktoria'n, Euskadiko Arte Dramatiko eta Dantza Goi Mailako Eskolan izan gara. Ekaitz Gonzalez da Dantzerti eskolako arduradunetako bat, eta hark azaldu digu zer nolakoa den haien eskaintza. Kontatu digu Hego Euskal Herriko gazteez gain, asko direla Cantabria eta Burgosetik iristen direnak ere. Egun hauetan ari dira sarrera probak egiten, eta prozesu horretan murgilduta dauden gazteekin ere hitz egin dugu.
Gonzalezek azaldu digu emakumezkoak direla, oraindik ere, aurkezten diren gehienak; pasa den ikasturtean hamabost pertsona aukeratu zituzten, eta horietatik hiru soilik ziren gizonezkoak.
Eskaintzen diren ikasketen inguruan, esan digu beste edozein unibertsitatetan eskaintzen denaren antzeko edukiak eskaintzen direla Dantzertin, eta eduki teorikoen eta praktikoen arteko oreka mantentzen dutela.
tentzen dutela.