'Kalteak handiak izan diren arren, zorionez ez da ezbehar pertsonalik izan'

Baserri bat guztiz kiskali da bart Errezilen. Xebero Agirretxe da herriko alkatea eta 'Faktoria'n eman dizkigu azken ordukoen berri. 05:30 aldera izan du alkateak sutearen berri. Azaldu digu goizeko lehen orduan hurbildu dela bera bertara, eta, dagoeneko, baserria guztiz kiskalita zegoen. Baserrian bizi zen familia barruan zegoen sua piztu denean; hala ere, guztiak onik irten ahal izan dira.

Kalteak oso handiak izan diren arren, ez da zauriturik izan, eta zorionez, ganadurik ere ez zegoen bertan. Baserriaren paretak geratu dira bakarrik zutik.