Laguntza behar dute
Bilbaina Jazz Club elkartea arriskuan dago
Azken 27 urteetan jazza zabaltzeko lanean aritu den elkarte honek ezin die aurrekontuei aurre egin. #sosbjc traola sortu dutela kontatu du Lorea Perez de Albeniz BJC-ko bazkideak.
Your browser doesn’t support HTML5 audio
Nazioarteko jazz zirkuituan oso estimatua da BILBAINA JAZZ KLUB hau, baina isteko arriskuan da. 27 urteko ibilbide arrakastatsuaren ondoren, laguntza eskatzeko #SOSBJC traola daraman nazioarteko kanpaina martxan jarri berri dute. Izan ere, instituzioen laguntza falta dutela diote.
Udako eta noizbehinkako jaialdi entzutetsuetatik haratago, Bilbaina Jazz Club urte guztian zehar jazz kontzertuak programatzen dituen elkarte bakarra da. Urtean 42 kontzertu inguru programatzen dituzte eta 7000 ikusentzule baino gehiago izan dituzte. Ikusle kopuruari dagokionez eta maila artistikoari dagokionez, inoizko unerik onenean daudela aitortzen duten arren, lehenengo aldiz laguntza ekonomikoa eskatzeko beharrean daude bizirik iraun nahi badute.