''LapurdiAround'' ekimena
Iñaki Goikoetxea: 'Bideo honetan Lapurdiko aniztasuna erakusten dugu'
Iñaki Goikoetxea irundarrak eta bere beste lau lagunek "LapurdiAround" bideoa grabatu dute Lapurdiko 41 herriak jauzika lotu dituzte. Jendeak bideoa ikusi eta herri guztiak bixita ditzan nahi dute.
Your browser doesn’t support HTML5 audio
Lapurdiko 41 herriak jauzika lotu dituzte Lapurdiaround ekimenean. Zortzi hilabetez Iñaki Goikoetxea irundarrak eta bere beste 4 lagunek bideoa grabatu dute eta sarean eskegi dute.
Kostaldetik barnealdera, herritik herrira dantzaka eta jauzika joan dira Lapurdiko Patxi eta konpainia taldearen “Bidartarrak” jauzien kantuaren soinuan.
Duela urte batzuk “Dancing in the basque country” egin genuen, iaz "GipuzkoAround" eta orain Lapurdiko bertsioa egin dute. Iñaki Goikoetxeak azaldu duenez, "abesti bat behar dugu grabaketa guztiak lotzeko eta jauziak ezin hobeak iruditzen zaizkigu".
Bideoan herritarrak ere ageri dira eurekin dantzatzen, baina Goikoetxeak adierazi duenez "zaila da jendea gerturatzea, eta produkzioa egin behar izan genuen jendeak dantza ikasi behar zuelako".
Bideoa ikusi eta jendeak Lapurdi ezagutzeko gogoa izan dezan nahi dute. Orokorrean Lapurdiko aniztasuna erakusten dutela azpimarratu digu, "Lapurdik denetarik dauka, eta hori erakusten saiatu gara".
Dagoeneko datorren proiektuan pentsatzen ari dira, eta denbora dutenean sorpresa gehiago iragarriko dituztela ziurtatu digu Iñaki Goikoetxeak.