Ados teatroa
Jon Barbarin: 'Belaunaldi ezberdinak batu nahi ditugu dantzaren bidez'
Ados teatroak "Giza eskubideak oholtzara: urteen dantza" obra estreinatuko du Barañaingo auditorioan. Belaunaldi ezberdinetako 20 aktore, dantzari eta koreografok osatzen dute obra.
Your browser doesn’t support HTML5 audio
Artearen bidez gizartean aldaketa sustatuko duten lanak aukeratu ditu “Art for change” ekimenak. Estatu mailako 18 proiektu aukeratu dituzte, eta horien artean dago Ados teatroaren “Giza eskubideak oholtzara: urteen dantza” lana. Eta zein da eurek sustatzen duten aldaketa? Ba belaunaldi ezberdinak batzea dantzaren bidez.
Entseguan harrapatu ditugu 'Faktoria'n antzezlanean parte hartzen duten 20 aktore, dantzari eta koreografoak. Haurrak, nerabeak, adinekoak… belaunaldi ezberdinetako aktoreak ditugu oholtza gainean. Bixente Apeztegia, Elena Uriz eta Migel Angel Irurtzun aktore eta dantzariekin hitz egin dugu, eta baita Jon Barbarin dantzariarekin.