Eguneko efemeridea
Mickey Mousek 90 urte bete ditu
Nork ez du ezagutzen… sagu gizentxoa, eskularru zuriekin eta zapatila hori handiekin, izar handienen parekoa da Mickey Mouse.
Your browser doesn’t support HTML5 audio
Gaur efemeridearen tartean, munduko sagu ezagunenari zorionak esan behar diogu. Mickey Mousek 90 urte bete ditu.
1928an Walt Disneyk sortutako pertsonaiak 90 urte ditu aurten, betiko gaztetxo itxuraz. Baina ez da ez Mickey beti berbera izan. Mortimer izenez lehen aldiz agertu zenetik eboluzioa izan du pertsonaiak, Bego Vicario EHUko arte ederretako animazio irakaslea eta animazio filmen egileak esan digunez.
Marrazki bizidun gisa sortua, hasiera hasieratik Disneyk merchandisingerako erabili zuen eta hor dago bere arrakastaren gakoetako bat. Eta gaur egun produktu gutxi izango dira Mickeyren aurpegiarekin merkaturatuko ez direnak. Ikaragarrizko eragina du oraindik, eta bereziki handia izan zuen XX. mendean Estatu Batuetan
Bitxikeria bat… hasierako urteetan, gainera Walt Diseyk berak jartzen zion ahotsa. Gehienoi ezaguna egingo zaizuen ahotsa istrionikoa berriz, Wayne Allwinena da 70eko hamarkadatik 2009ra arte izan zen Mickey.
Ez du zalantzarik Vicariok 100 urte ere ondo beteko dituela Mickeyk, areago, betirako geratuko dela gurekin, Mickey Mouse marrazki biziduna baino askoz gehiago baita, sagu unibertsala.