'Unibertsitateak itsasargia izan behar du munduko erronken aurrean'

Munduko jesuiten goi hezkuntza erakundeetako hiriburu da Deustuko unibertsitatea aste honetan. Gaur egungo munduaren erronkak eta horien aurrean jesuiten unibertsitateek izan beharreko eginkizuna aztertuko dituzte. Jose Antonio Rodriguez Deustuko errektoreordearen hitzetan, erreferente intelektual eta etikoa izan behar du unibertsitateak, formazioa eskaini eta ezagutza sortzeaz gain.

Hirugarren mundu batzarra Deustok hartzeak garrantzia handia du, Rodriguezen esanetan, Bilbo hiriari eta unibertsitateari egiten zaion errekonozimendua baita. Deustoko unibertsitatearen hurrengo erronkei dagokienez, berriz,  espero du 2019ko irailetik gai izango direla medikuntza gradua eskaintzeko. Une honetan horretarako behar diren administrazio baimenen zain dago Deustuko unibertsitatea.