Etorkizuna aldatzeko teknologiak, eta marrazkiak ikasteko, osteguneko 'Faktoria'n

Euskadi Irratiko 'Faktoria' saioan, ostegun honetan (abuztuaren 9an), etorkizuna alda dezaketen teknologiak izango dituzte hizpide, bai eta ikasteko balio duten marrazkiak ere; halaber, heraldikaz mintzatuko dira, eta Onintza Enbeita bertsolari eta aurkezlea izango dute gonbidatu.

9:00etan, Joseba Laka eta Jon Errearekin, aipatutako teknologiez hitz egingo dute. Gerora, 10:00ak jo aurretik, Maddi Castrorekin, ‘Blai’ saioaren aurrerapena izango dute; ondoren, Ana Goitia eta Andoni Esparzaren txandak izango dira, alegia, Zaratategiarena eta Heraldikarena, hurrenez hurren.

10:30ean, EHUren udako ikastaroen tartea egingo dute; Josi Sierra, Josu Odriozola eta Maitane Subijana izango dira bertan, eta, ‘Visual Thinking’ izenburupean, honako gaia izango dute mahaiaren gainean: nola ikasi, marrazkiz lagunduta.

11:00etako albisteen ostean, Onintza Enbeitak pintxopotera gonbidatuko gaitu; eta, ohi bezala, saioa amaitzeko, lehiaketaz eta bermutaz gozatzeko aukera izango dugu.