Estepan Aldamiz-Etxebarria 'Pintxopotea' atalean, osteguneko 'Faktoria'n

Goizean, albistegiaren ostean, Juan Mari Aburto Bilboko alkateari elkarrizketa egingo zaio. 09:00etan, Joseba Laka etorkizuna alda dezaketen teknologiez mintzatuko da. Ondoren, Eneko Ibarniak eta Julen Telleriak bidaietan gertatzen diren ezustekoen inguruko galdera bat jarriko dute mahai-gainean, gure bidaia bertan behera utz dezakegu?

Gero, musika hamabostaldia lehiaketa egingo dugu, eta egunero bezala, Ane Iruretagoienak 'Blai!' saioaren aurrerapena egingo digu 10:00ak jo aurretik.

10:00etan, soinuen munduan murgilduko gara Ana Goitia eta 'Zaratategia' atalarekin. Horrez gain, Eneko Calvo museo-gidaria ere izango dugu gurean. Maitane Subijanak eta Ulia auzo elkarteko kide batek EHUren udako ikastaroez arituko dira, auzo-bizitzaren inguruan bereziki.

11:00etan, 'Pintxopotea' atalean Estepan Aldamiz-Etxebarria kazetaria izango dugu gurekin. 11:30etik aurrera, lehiaketak eta bermutak emango diote amaiera saioari.

Entzun 'Faktoria', 07:00etatik 12:00etara, Euskadi Irratian!