Asteazkenean
Idoia Mendia, PSE-EEko idazkari nagusia, 'Faktoria'n
Mari Jose Aranguren, Orkestra Institutuaren zuzendaria eta Mehdi Ouraoui GÉNÉRATION-S alderdi frantziarreko bozaramailea ere espero ditugu biharko saioan.
Idoia Mendia. Argazkia: EFE
Idoia Mendia, PSE-EEko idazkari nagusia, elkarrizketatuko dugu asteazkeneko Euskadi Irratiko 'Faktoria'n. Euskadirako estatus berriaz, EAJrekin duten harremanaz, Pedro Sanchezen gobernuaren egonkortasunaz hitz egingo dugu, besteak beste, Mendiarekin 09:00etatik aurrera. Mari Jose Aranguren, Orkestra – Lehiakortasunerako Euskal Insitutuaren zuzendaria, ere espero dugu aurretik, erakunde honek aurkeztu berri duen txostenaren datuak aztertzeko.
Mehdi Ouraoui GÉNÉRATION-S alderdi frantziarreko bozaramailea ere izango dugu. 2017ko uztailean sortu zuen alderdi berria Benoit Hamon Frantziako Alderdi Sozialistako presidentegai ohiak. Mehdi Ouraoui angeluarra izendatu du bozeramaIle Benoitek, eta bere eskutik ezagutuko dugu alderdia.
07:00etan hasi da albistegia, Maite Artolak gidatuta. 08:00ak aurretik, Elixabete Garmendiaren 'Sinadura' entzungo dugu. 08:30 aldera hitz egingo dugu Mari Jose Arangurenekin, eta, ondoren, solasaldian izango ditugu Laura Mintegi, Iker Rioja eta Xabier Riezu. 09:10 aldera elkarrizketatuko dugu Idoia Mendia. Saioa amaitu aurretik, Mehdi Ouraouiri egindako elkarrizketa eskainiko dugu.
10:00etako albisteen ostean ekingo dio Manu Etxezortuk magazinari. Hasteko, Josune Goenaga ezagutuko dugu. Alemanian ibili berria da, han eta hemen, klown lanetan. Ondoren, 'Ekosfera' tartea zabalduko dugu Jokin Aldazabal lankidearekin, eta gas fakturaren disekzioa egingo dugu
11:00etako albistegiaren ondoren, 'Arts & Science' tartea zabalduko dugu Eneko Axpe, 'Maisha'rekin. Segidan, bizilagunen arteko liskarrak izango ditugu hizpide Alokabideko Igor Etxaberekin eta Auzoki etxe administrarien ordezkari Edurne Ixiarrekin.
12:00etan, Josune Murgoitio kazetariak Margotutako hormak erakusketaren berri emango digu, eta, jarraian, munduko musikak ekarriko dizkigu Agus Barandiaranek.
07:00etatik 13:00etara izango da martxan 'Faktoria'.