Faktoria
Rafa Kortabarria: itsututa ere, beti aurrera.
Egoera zailenetan ere aurrera egiten jakin duen gizona ezagutu dugu Faktorian. Rafa Kortabarria oñatiarra.
Your browser doesn’t support HTML5 audio
Duela 25 urte itsutu zen erabat Rafa Kortabarria. Momentuan "oso gaizki" pasa zuen arren, argi zuen bi aterabide zeudela: "aurrera egin ala bertan geratu", eta denean aurrera egiteko jarrera duenez, ez dago geldirik egoteko!
Elbarritasuna tarteko, aspaldi jubilatu bazen ere, bulegoan aritzen da egunero "beti baitago nori lagundua". Bulegoan bakarrik ez, Oñatiko Udalean zinegotzi, ONCEn, Nagusilanen, Trauti elkartean... dabil. Oñatiko plazan duen bulegoan izan da 'Faktoria' harekin hizketan: itsutasunaz, irisgarritasunaz, aitona izatez, eta beste hamaika pasadizoz aritu zaigu Rafa Kortabarria.