'Gurasook gutxiago hitz egin eta seme-alabak gehiago entzun behar ditugu'

Seme-alabek entzunak izateko duten eskubidea aldarrikatu du Sara Sanabria familia psikologoak, salatuz, askotan gurasoek entzungor egiten dietela. Gurasoek seme-alabentzat eredu positibo izan beharko luketela ere azpimarratzen du, eta horregatik, helduek beren jokabidearen kontzientzia izan behar dutela, ongi aztertuz beren ekintzek nola eragiten dieten seme-alabei, haurtzaroan eta nerabezaroan. Hezkuntza demokratikoa aldarrikatzen du, errespetuan oinarritutako komunikazioan.