Bingen Zupiria,'Faktoria'n

Euskararen Nazioarteko Egunean eta Euskaraldia amaitzen den egunean, Bingen Zupiria 'Faktoria'ra etorriko da. Euskara sustatzeko kanpainaren lehen balorazioa eskatuko diogu kultura eta hizkuntza politikaren ardura duen sailburuari. Horrekin batera, kultur esparrurako aurrikusita dituen proiektuei buruz hitzegingo dugu.

Elkarrizketa amaituta, aktualitateak dakartzan gainerako gaien analisia egingo dugu Iñaki Galdos, Ainhoa Etxaide eta Javier Diaz Noci solaskideekin. Tarte berezia eskainiko diegu Andaluziako hauteskundeekin, bozketaren jarraipena egitera joan den Mikel Arregi lankidearen laguntzarekin.

10:00etan hartuko du lekukoa Manu Etxezortuk magazina martxan jartzeko. Kirol tertuliarekin hasiko da saioa, Ane Urkirik eta Andoni Urbistondok asteburuak utzitakoa errepasatuko baitute. SARAY Nafarroako Minbiziaren Elkartea zorionduko dugu. Nafarroako Urrezko Domina eman diote elkarteari eta Marijose Oraa elkarteko presidenteordearekin hitz egingo dugu.

11:15ean, Aita Menni ospitaleko Egoitz Zabala buruko gaitzez ariko zaigu, eta, jarraian, Eneko Iriarte geologoarekin klima aldaketaz egingo dugu solas: izotz aro berri baten atarian ote gaude?

12:00etan, Kutxa Ekogunearen tartea zabalduko dugu eta, segidan,Manu Lopez Gaseni itzultzailearekin hitz egingo dugu. Aliziaren abenturen euskarazko lehen itzulpenak 50 urte bete dituelako. Azkenik, liburu gomendioa ekarriko digu Ylenia Benitok.

Gogoratu! 07:00etatik 13:00etara izango dugu martxan 'Faktoria'.