GUTUBERRAK webseriea
'Etxegabetzearen gordina, baina istorioak modu entretenigarrian kontatuta'
Familia batek etxegabetze baten mehatxuari aurre egin behar diola kontatzen du 'Gutuberrak' webserieak, eta, behar duen dirua lortzeko, youtuber bihurtzea besterik ez zaie bururatzen etxetiarrei.
Your browser doesn’t support HTML5 audio
Erronka Berriak ekoiztetxeak EiTBren partaidetzarekin ekoitzitako euskarazko webseriea da 'Gutuberrak', eta Axen Egaña, Amaia Lizarralde, Olatz Beobide, Nerea Arriola, Ioritz Tapia, Liah Regalado eta Edurne Azkarate dira aktore protagonistak. Familia batek etxegabetze baten mehatxuari aurre egin behar diola kontatzen du 'Gutuberrak' webserieak, eta, behar duen dirua lortzeko, youtuber bihurtzea besterik ez zaie bururatzen etxetiarrei. 'Faktoria'n izan ditugu Beobide, Egaña eta Arriola.
Errealismoa gizarte kritikarekin nahasten duen tonuan, batzuetan gogorrak izan daitezkeen egoerak jorratzen dira, eta bizitzako egoera zailei umore ona gehitzen zaie. Izaera transmedia duen webseriea da. Gaur egun ditugun narrazio-elementu guztiak erabiliz, Instagram, Facebook eta Twitter bidez ere jarraitu ahal izango ditugu pertsonaien gorabeherak. Era berean, WhatsApp eta Skype bidez pertsonaiak elkarrekintzan aritzeko modu naturala izango dira, eta pantailatik harago gertatzen zaien guztia jarraitu ahal izango dugu.