Asteartean
Lander Martinez, 'Faktoria'n
Podemos-Ahal Dugu-ko idazkari nagusia izango da gonbidatu nagusia. Xabier Alonso futbolariaren kontra hasiko den epaiketaz eta Tabakalerako UBIK liburutegiko bitartekarien grebaz ere ariko gara.
Lander Martinez. Argazkia: EiTB
Lander Martinez Podemos-Ahal Dugu-ko idazkari nagusia izango da astearte honetako 'Faktoria'ko gonbidatu nagusia. Iñigo Errejonek 'Más Madrid' plantaformarekin bat egin izanak Podemosen barruan erabateko zatiketa sortu berritan erantzungo ditu Maite Artolak egindako galderak. 09:00etatik aurrera izango da hori, Javier Arrieta, Ainhoa Etxaide eta Iñigo Adurizekin egingo duten aktualitateko solasaldiaren barruan.
Tartea egingo diogu, baita ere, Xabi Alonso futbolariaren kontra bihar Madrilen egingo den epaiketari eta Donostiako Tabakalerako UBIK liburutegiko bitartekariek duela hilabete hasi zuten lanuzteari. Eguneko zutabea Garbiñe Ubedak sinatuko du goizeko zortzietako albistegiaren aurretik.
10:00etan ekingo dio magazinari Manu Etxezortuk. Hezkuntza emaitzetan adimen emozionalak duen garrantziari buruz ariko gara Oihane Fernandez Psikor ikerketa taldeko ikertzailearekin. Gainera, erietxeetan dauden umeak alaitzen aritzen diren Algara Klown taldeko bi pailazoren lana eta experientzia ezagutuko dugu: Saioa Aizpurua eta Irantzu Mantso.
07:00etatik 13:00etara izango da martxan 'Faktoria'.