Eneko Andueza
'Akordioa ezkerretik sinatzeko gauza bagara, askoz hobeto'
Podemosen borondatea eskari errealetan gauzatu behar dela-eta zuhur mintzatu da PSE-EEko Gipuzkoako idazkari nagusia baina oso pozik sozialistek, batez ere Euskadin, izan duten emaitzarekin
Your browser doesn’t support HTML5 audio
'Ezkerretik, akordio bat sinatzeko gauza bagara, askoz ere hobeto', horrela erantzun du 'Faktoria'n Eneko Andueza PSE-EEko Gipuzkoako idazkari nagusiak Espainiako gorbenu akordioei buruz galdetuta. Pertsonalki Ciudadanosekin hitzarmena egiteko aukera baztertu egiten duela azaldu du, baina ohartarazi du, 'ikusi egin beharko dela' Podemosek kanpainan erakutsi duen borondatea 'eskaera errealetan' gauzatzen ote den.
Pozik agertu da Alderdi Sozialistak lortutako emaitzarekin eta, bereziki, pozik Bizkaian, Araba eta Gipuzkoan izan duten igoerarekin. 'Genuen egoera ez zen batere ona. Eta Euskadirentzat ona da alderdi socialista indartsu bat izatea', azpimarratu du.