Maiatzaren 3an
Uxue Barkos, ostiralean,'Faktoria'n
Gainera, Venezuelaren egoera aztertuko dugu. Horacio Chacin venezolarra eta Izaskun Goikoetxea, Euskal Herria Venezuelarekin ekimeneko kidea izango ditugu gurekin.
Uxue Barkos. Argazkia: EFE
Uxue Barkos elkarrizketatuko dugu ostiral honetan 'Faktoria'n. Nafarroako lehenadkariarekin aztertuko dugu egungo testuinguru politikoa, eta apirilaren 26ko hauteskundeen ondorenaz ere ariko gara harekin. Solasaldian, Hedoi Etxarte eta Javier Arrieta izango ditugu, eta egunari sinadura Maddalen Arzallusek jarriko dio.
10:00etan, magazina hasteko, patata tortilla izango da Idoia Torregaraik umorea egiteko erabiliko duen gaia. Bestalde, Venezuela izango da nazioarteko tartean landuko dugun gaia. Horacio Chacin venezolarra eta Izaskun Goikoetxea, Euskal Herria Venezuelarekin ekimeneko kidea izango ditugu gurekin. 10:30ean aztertuko dugu Hego Ameriketako herrialde horren egoera.
Gainera, 11:00etan, Donostiako Arte Ederren eraikina babesteko nazioartetik etorri den ekimena dela eta, Eneko Oronoz Ancora elkartekoarekin hitz egingo dugu. 11:30 aldera, bestalde, Markos Zapiainek, Filosofiaren tartean, Karl Marxek Pedro Sanchezi emango lizkiokeen aholkuak landuko ditu.