Ekainak 17
Udalen osaketaren ondorena, asteleheneko 'Faktoria'n
Larunbateko Hego Euskal Herriko udalen osaketak utzitako datuei eta irudiei erreparatuko diegu. Bestalde, Irantzu Lekue horma-irudigilea elkarrizketatuko dugu.
Nafarroako udal hauteskundeen mapa
Asteleheneko 'Faktoria' larunbatean Hego Euskal Herriko udalak osatzeko egingo dire ekitaldiei begiratuko diegu. Solasladian, Iñaki Galdos, Gaizka Aranguren eta Iker Riojarekin errepasatuko dgu aktualitatea, eta Adolfo Arejita euskaltzainak 'cordón sanitario' euskaraz nola eman behar dugun argituko digu. Sinadura, Nuria López De Guereñurena.
10:00etan ekingo dio magazinari Manu Etxezortuk. Hasteko, horma-irudiak egiten dituen Irantzu Lekue gasteizarrarekin hitz egingo dugu. Duela gutxi hormairudi erraldoi bat egin du Katalunian, Santa Coloma de Gramanet hirian eta laster Gasteizen egingo du beste bat. Astelehenean gurera gonbidatu dugu bere lana ezagutu nahi dugulako. Bestalde, bizikleta lapurretak aztertuko ditugu eta giltzarrapoak ondo jartzen erakutsiko digute, Luma enpresakoek. Azkenik, Ipar Euskal Herriko ikasleek Baxoa azterketa hasiko dute astelehenean eta lehenengo azterketak bukatuta, eguerdian galdetuko diegu zer moduz joan zaien. Bernat Etxepare Lizeoko zuzendaria eta hiru ikasle izango ditugu gurekin.