Ondareaz, Agustin Azkaraterekin, gertutik, ostiraleko 'Faktoria'n

Agustin Azkarate Euskal Herriko Unibertsitateko Arkeologia katedraduna eta Kultur Paisaia eta Ondarearen Unesco katedrako arduraduna izango da ostiral honetako 'Faktoria' saioko gonbidatu nagusia. Ondareaz, iraganaz, nortasunaz eta etorkizunaz arituko dira berarekin, gertuko elkarrizketan. 09:30ean izango da hori. Aurrez, solasaldi-mahaian, Jesus Prieto-Mendaza, Maite Ubiria eta Iñaki Goirizelaia arituko dira aktualitateari buruzkoetan.

08:00etako albistegiaren aurreko iritzi jarduna Maddalen Arzallusena izango da.

10:00etan ekingo dio magazinari Manu Etxezortuk. Hasteko, Beran erraldoiak dantzatzeko jendea behar dute, eta ate irekien jardunaldia egingo dute. Ander Alzurirekin hitz egingo dugu. Asteko umore printza Idoia Torregaraik jarriko du, eta Juanjo Sanmiguel lankidearekin eta Juse Triry zuberotarrarekin Kurdistan izango dugu hizpide. Yogaren nazioarteko eguna dela gogoratuko dugu eta Mikel Chamizo eta 'Maisha' kolaboratzaileen tarteak ere izango ditugu. Gasteizen hasiko den Azkena Rock musika jaialdiari ere egingo diogu tartea.