'Ez dut uste PSOEk 155a agintzeko benetako asmoa duenik. Kanpainan ari da'

Jokin Bildarratz senatari jeltzaleak zalantzan jarri du  posible denik 155. artikulua aplikatzea senatua deseginda dagoela eta, gainera, ez du uste PSOEk hori egiteko benetako  asmorik duenik. Bildarratzek erantsi du konstituzio auzitegiaren azken epaiek zorrotz zehaztu dutela noiz aplikatu litekeen artikulu hori eta bere iritziz  gaur egun ez dira baldintzak betetzen. Gainera, senatari jeltzaleak argitu du Segurtasun Nazionalerako Legea ezin dela erabili erkidego bati bere eskumenak kentzeko. Beraz,  Pedro Sanchez-en adierazpenen atzean hauteskunde interesak daudela ondorioztatu du.