Asteazkenean
Idoia Mendia, 'Faktoria'n
PSE-EEko idazkari nagusia 09:00etan elkarrizketatuko du Maite Artolak. Bestalde, Amaia Apalauza itzultzailearekin hitz egingo dugu.
Idoia Mendia. Argazkia: EFE
Asteazken honetan, Idoia Mendia izango da 'Faktoria' saioko gonbidatu nagusia. 09:00ak aldera erantzungo die Maite Artolaren galderei PSE-EEren idazkari nagusiak. Bestalde, 09:30ean, Amaia Apalauza itzultzailea elkarrizketatuko dugu. Han egon izan ez balitz bezala liburua itzuli du. Bortxaketak ‘gerra arma’ gisa erabili direla kontatzen duen liburua da.
10:00etan ekingo dio magazinari Manu Etxezortuk. Hasteko, elikadura nahasmendua gainditu duen Negu Karlssonekin hitz egingo dugu. Ondoren, '50 kilometro' tartean, Urepeletik Orreagara joko dugu. Bestalde, Pio Berasategi 84 urteko idazle zegamarra elkarrizketatuko dugu. Matia Fundazioaren, Foru Aldundiaren eta Zegamako udalaren laguntzaz hiru liburu argitaratuko dizkiote.
07:00etatik 13:00etara lanean ariko da 'Faktoria'.