Familia gurasobakar eta kalteberentzako gizarte-zerbitzuak

Arabako nahiz Gasteizko gizarte-zerbitzuetatik bideratutako laguntza ematen du AGLE elkarteak. Prebentzioa eta sentsibilizazioa ere egiten dute ikastetxeetan; bullying, sexu-dibertsitatea, indarkeria matxista, kulturartekotasuna eta beste hainbat gairi buruzko azalpenak ematen dizkiete gaztetxoei. Pertsona nagusiekin ere lan egiten dute, haiei alfabetatze digitalari buruzko azalpenak ematen, esate baterako.

'LoreMaitea' haurren zaintza-zerbitzua ere eskaintzen du elkarteak. Gurasoak lanean edota ikasten ari diren bitartean haien 4 hilabetetik 12 urtera arteko haurrak zaintzen dituzte AGLEko begiraleek.