“ETBn 'Itxi Liburuak' saioa egingo dugu, jendeak liburuak ireki ditzan”

Historia modu dibertigarrian ikasteko proposamena dakar Gaizka Aranguren kazetari, aurkezle eta Historia dibulgatzaileak Euskal Telebistaren programaziora, 'Itxi Liburuak' saioarekin. 'Faktoria'n kontatu digunez, lan-talde potente batek diseinatu du programa Norvegian eta Italian emititzen ari diren formatu batean oinarrituta, eta 'Euskal Herriko Historiako mugarri nagusi, esanguratsu edo adierazgarriak' azalduko dituzte ostegun gauero ETB1en.

Gai bakoitzaren inguruan informatu eta formatuko dute pertsona ezagun bat, hainbat adituren laguntzat. Eta, berhar bezala prestatuta dagoenean, pertsona horrek Historia klase bat emango du unibertsitatean. lehen saioan, Onintza Enbeita izango da irakaslea, eta Donostiako 1813ko suntsiketari buruzkoa izango da emango duen eskola.