Libe Mimenza
"Garena baino txikiago bihurtu gara"
Kolonizazio kultural erabateko honetan euskarazko ekoizpenari buruzko gogoetarik ez dela egin dio Euskal Hedabideen Behategiko koordinatzaileak eta berandu gabiltzala azpimarratu du.
Your browser doesn’t support HTML5 audio
Estatu asko dago, besteak beste ikusentzunezko plataforma handiek dakarten kolonizazio kulturalaren aurrean kezkatuta eta erresistentziatik erreakzionatzen ari direnak. Baina euskal kulturaren ikuspuntutik berandu ari garela dio Libe Mimenzak, gogoetarik ere apenas egin delako. Jakin aldizkarian argitaratu duen artikuluaren haritik 'Faktoria'n defenditu du ikusentzunezkoen sorkuntza belaunaldi berrien ikuskeratik irauli behar dela baina publiko orokorrarentzat izango diren produktuak ere behar ditugula: 'Merkatua badago'.