'Gure lanaren errekonozimendu eta babes falta sentitu dugu'

'Epidemia azaldu zen unetik, lehen arretako egoitzetan lan karga handia izan dugu baina ez dugu aitortza eta babes hori sentitu'. Eider Uzkudun Zarauzko osasun egoitzako arduradunaren hitzak dira. Datuen arabera, gaixotasuna pasa duten 10tik 8 kasu arinak izan dira, eta lehen arretako egoitzek artatu dituztela nabarmendu du 'Faktoria' albistegian baina, Uzkudun medikuak dio euren lanari ez zaiola aipamenik egin komunikabideetan. 'Birusa berria da, nola lan egin ikasi behar izan dugu, lan handia eta zaila izan da guretzat eta 'errekonozimendu edo babes hori' ez dute sentitu.

Zarauzko osasun egoitza da, herritarrei proba serologikoak egiten ari diren anbulategietako bat. Sintomak izan bai baina, baieztapenik ez duten 300 gaixo baino gehiagori egingo dizkiete odol analisiak.