Asteazkenean
Jose Maria Guibert, asteazkeneko "Faktoria"n
Deustuko Unibertsitateko errektorea 09:30ean elkarrizketatuko dugu.
Jose Maria Guiberten artxiboko irudi bat
Beste hiru urterako berritu berri du Deustuko Unibertsitateko errektore kargua Jose Maria Guibertek. 09:30etik aurrera Euskadi Irratiko ‘Faktoria’n izango da. Aurretik, solasaldian, Hedoi Etxartek, Mikel Irizarrek eta Iker Riojak parte hartuko dute.
10:00etan hasiko da udako magazina, Gorka Otaegik gidatuta. Hasteko, Japoniara eramango gaitu 'Audioturismoa' tartean Lierni Ibargutxi lankideak. Jarraian, Jaizkibelen, errotarriak egiteko harria ateratzen zuten harrobien arrastoak aurkitu dituzte, eta Aranzadiko Iñaki Sanz Azkuek emango dizkigu azalpenak. Ondoren, Udako Ikastaroei tartea egingo diegu. "Naturan hezi, orain da unea" izeneko ikastaroaz ariko gara Maialen Sistiaga zuzendariarekin. Bestalde, "Hoy se sale" mahai-jokoa asmatu du Xabi Tolosak, eta zertan datzan azalduko digu. Oskar Estanga inprobisatzailearen tartea ere izango dugu asteazkenero legez, eta Egunean Behin jokoaren finala izanik, Codesyntaxeko Josu Azpillagak xehetasunak emango dizkigu.
07:00etatik 13:00etara izango da zabalik "Faktoria".