'Itolarrian gaude. Agendan daukagu greba mugagabearen aukera'

Lehen Arreta Arnasberritzen plataforma greba mugagabea egiteko aukera aztertzen ari da euren aldarrikapenek bete gabe jarraitzen dutela gogoratu eta COVID-ak herrietako osasun zerbitzuak itolarrira eraman dituela salatzeko. 

Gontzal Martinez de La Hidalga Basurtoko osasun-etxeko mediku-pediatrak "Faktoria"n salatu duenez, udaldiko ordezkapenik ez da egin eta profesionalei lana bikoiztu eta hirukoiztu egin zaie.

Joan den urtean egindako hiru lanuzteen egin ondoren Jaurlaritzarekin elkarrizketak izan direla onartu du baina "hitz hutsetan" geratu direla asmoak eta "profesional gehienek ikusi dituzten aldaketak okerrerako izan direla". Hori kontutan hartuta, "epe" motzean, lanuzte mugagabera jotzeko aukera ez du baztertu.