Baserri dotore batean ezkondu nahi?

Bertako ohituren eta kanpoko joeren uztartzetik jaio da Baserri Events proiektua. Patxi Ruiz de Samaniego bultzatzaileak azaldu digu "baserri, txakolindegi, landetxe eta gisakoetan antolatuko” dituztela ospakizunak; "tokien berezko jarduera errespetatu ahal izateko, urtean gehienera, bost ospakizun eraikin bakoitzeko".

Gastronomia, dekorazioa eta ikus-entzunezkoa zainduko dituzte bereziki. Azken alor honetan, "ohiko ezkontza erreportaietatik aldendu eta istorio berri bat” kontatuko dute ekitaldietan oinarrituta,"Faktoria" saioan kontatu digunez.