"Espetxe politikaz aldaketa nabarmena ikusi beharko da aurrekontuen negoziaketetan"

Igor Gonzalez Solasen heriotza sentitzen zuela esanez Pedro Sanchez Espainiako gobernuburuak egin zituen adierazpenak "estimatu" zituztela esan du Arnaldo Otegi EH Bilduko koordinatzaile nagusiak gaur goizean 'Faktoria'n egindako elkarrizketan.

Keinu horretarako propio elkarrizketarik egon ote zen galdetuta, erantzun du alderdi sozialistarekin beti izan dituela kontaktuak. Onartu du, halaber, espetxe politikaz ari direla aurrekontuen negoziaketan. "Euren legea bete dezaten eskatzen dugu", azpimarratu du, eta segidan zehaztu: "nabarmen ikusi beharko litzatekeela horretan badagoela aldaketa bat".