Mitxel Lakuntza, "Faktoria"n

Mitxel Lakuntza ELAko idazkari nagusia izango da "Faktoria"ko elkarrizketatu nagusia ostiral honetan. 08:30etik aurrera erantzungo die Iñaki Guridik egingo dizkion galderei.

Solasaldian, Jurdan Arretxe, Hedoi Etxarte eta Nuria Lopez de Guereñu arituko dira aktualitatearen analisian.

Saioari kantuz jarriko dio errematea Maddalen Arzallusek.

10:00etan hasiko da magazina, Manu Etxezortuk gidatuta. Hasteko, Akelarre filma zinema-aretoetara iristekoa denez, Amaia Aberasturi aktorea elkarrizketatuko dugu. Jarraian, Invisible beauty, alzheimerra eta dantza uztartzen dituen proiektua ezagutuko dugu, Iker Arrue Ai Do Project-eko zuzendari artistikoarekin. 10:30 aldera, Jose Mari Segurolarekin hitz egingo dugu, Hego Afrikako Caixabank zuzendaria da bera. 11:00etan Idoia Torregarairen tarteqa izango dugu, eta, 11:30ean, berriz, Teatrolari Iruñeko Antzerki Eskola arte eszenikoen gradua eskaintzen hasi dela eta, Maialen Sanchez marketing arduraduna eta June San Millan ikasle ohi eta egungo irakaslea izango ditugu. 12:00etan, azkenik, Zaldibian bizilagun berriei ongietorriak egiten dietela kontatuko digu Estitxu Mujika alkateak, eta protesia erosteko diru bilketa egiten ari den Roberto Moreno ere ezagutuko dugu.

07:00etatik 13:00etara izango da zabalik "Faktoria".