Gazteak pandemian
'Dena kendu digute. 40 urtekoen planak baino ez dizkigute utzi'
Eskolatik etxera eta etxetik eskolara, euren bizitza horretara mugatzen dela orain eta apatia orokortu bat nagusitzen ari dela kontatu digute gazteek.
Your browser doesn’t support HTML5 audio
Denok dugu, garaiotan, aldarte ilunagoa. Baina somatzen dugu gazteen aldarte kolektiboan ari dela murrizketa aldi hau eragin handi-handia izaten. Eta eurengana gerturatu ditugu mikrofonoak, Bergarako institutu atarira: "Etxetik eskolara eta eskolatik etxera besterik" ez dutela egiten, euren bizitzan "ezer interesgarririk ez dela gertatzen" eta "pipak jan eta paseatzea; 40 urtekoen planak besterik ez" dizkietela utzi kontatu digute.