"EHko estadioetan antzoki batean bezala zaude; Argentinan dena ematera zoaz"

Ignacio Alustiza eta Juantxi Yacomini lagunak dira, argentinarrak eta euskaldunak. "Pepitak jaten, eserita, lasai-lasai..." pelikula bat ikustearen parekoa omen, Ignacio Alustizaren iritzira, Euskal Herriko estadio batean futbol partida bat ikustea. "Bombonera-ra (Boca Juniors-en estadioa) aldiz dena ematera zoaz, eta batzuetan literala da dena emate hori; arriskutsua ere izan daiteke".

"Señores soy de Boca" eta "Muchachos traigan vino juega la acade" Boca eta Racing-en zalegoek gehien maite dituzten kantak entzun dituzte, Argentinako futbol talde kuttunekiko pasioaz hiz egin dute. Eta euskal taldeekiko gina zerk piztu zien ere azaldu dute. Kopako finalerako pronostikoa ere eman dute.