Hiriko trafikoa eraldatzen
Hiriko merkantziak CO2rik isuri gabe garraiatzeko sistema diseinatu du Gorka Pradas Rubiok
GORKA OTAEGI | EITb Media
Nola saihestu banatzaileek hirian isurtzen duten CO2a? Gorka Pradas Rubio 22 urteko gasteiztarrak proiektua diseinatu du paketeak modu jasangarrian banatzeko. Europako Citython saria irabazi du.
Your browser doesn’t support HTML5 audio
Online ersoketen gorakadak eragin nabarmena izan du trafikoan. Zenbait hiritan, hamar joan-etorritik lau merkantziak garraiatzeko egiten da jada, eta pakete banaketak isurtzen du ibilgailuek hirian sortzen duten CO2aren erdia. Arazo horiek konpontzeko, hiriko merkantziak CO2rik isuri gabe garraiatzeko sistema diseinatu du Gorka Pradas Rubio 22 urteko gasteiztarrak. Bere proiektuaren xehetasunak kontatu dizkigu Europako Citython saria irabazi berritan.